මද්‍රසා පිළිබඳව බෞද්ධ මතය.



සිංහල බෞද්ධයන්ට පමණක් නොව මුස්ලිම් අයට පවා අතිශය පීඩාවක් වන අන්දමේ අන්තවාදයක් ශ්‍රී ලංකාවේ ඇති බව මුස්ලිම් අය පවා පිළිගන්නා කරුණකි. අන්තවාදීන් විසින් පාස්කු දින සිදුකළ මරාගෙන මැරෙන ප්‍රහාරත්, අන්තවාදීන් විසින් මාවනැල්ලේ බුදු පිළිම වලට හානි කිරීමත්, සා‍ෆි සහාබ්දීන් විසින් සිංහල මව්වරුන්ව වඳ කිරීමේ චෝදනාව ආදියත් එහි උච්ඡතම අවස්ථායි.

අන්තවාදය නැවැත්වීමට රජයක් වශයෙන් ගත යුතු පියවරයන් පිළිබඳව අප 2009 සිටම මෙම පි‍ටුවේ දක්වා ඇත. දැන් දැන් ඉස්ලාම් අන්තවාදය ගැන බොහෝ අය කතා කලද ඔවුන්ගෙන් බොහෝ දෙනා ඉස්ලාම් ආගම ගැන තබා බුදු දහම ගැනවත් හරි හැටි නොදනී.

උදාහරණ ලෙස "පුනරුප්පත්තිය" යනුවෙන් දෙයක් බුදු දහමේ නැති අතර තාමත් බොහෝ දෙනා සිතන් ඉන්නේ බුදු දහමේ "පුනරුප්පතියක්" ඇති බවයි. මෙය කියවන බොහෝ අය ඒ අසා කම්පනයට පත් වෙන්නට ඇත. බුදු දහම විකෘති කරනවා යැයි සිතන්නට ඇත. එනමුත් බුදු දහමේ "පුනරුප්පත්තියක්" නැති බව අපි යළිත් කියන්නෙමු.

පුනරුප්පත්ති සංකල්පයට අනුව නොවෙනස්වන සදාකාලික ආත්මයක් ගැන විශ්වාස කරන අතර එවැන්නක් බුදු දහමෙන් ප්‍රතික්ශේප කෙරේ. බුදු දහමේ දැක්වෙන්නේ "පුනර්භවය" යි. පුනර්භවය යනු කෙනෙක් මිය යද්දී ඇති වෙන චුති සිතට පසුව තවත් ශරීරයක ප්‍රතිසන්ධි සිත ලෙස ඇති වීමයි. අප අතීතයේ කළ කර්මවල බලපෑම් තුළ වෙනස් විඤ්ඤාණයක් සකස් වෙනවා. එය සංවත්තනික විඤ්ඤාණය යනුවෙන් හැඳින්වෙනවා. ඒ සංවත්තනික විඤ්ඤාණය නොනවත්වා ම වෙනස් වෙමින් ගමන් කරන එකක්.

පුනර්භවය ගැන වැඩි විස්තර අවශ්‍ය අය රාජකීය පණ්ඩිත පූජ්‍ය තලල්ලේ චන්දකිත්ති හිමි බුදුසරණ පුවත්පතේ ලියූ මෙම ලිපිය කියවා බලන්න. https://www.budusarana.lk/budusarana/2019/04/19/tmp.asp?ID=vision09 ඊටත් වඩා ගැඹුරින් පුනර්භවය ගැන කියවන්න අවශ්‍ය අය මෙම ලිපිය බලන්න.

අන්තවාදයට එරෙහිව කටයුතු කරනවානම් ඔවුන්ගේ ආගම ගැන පළමුවෙන්ම හදාරා සිටිය යුතු වේ. නැතහොත් සර්පයාව වල්ගයෙන් අල්ලා ගත් ඇබැද්දිය සිදුවේ. හරි හැටි නොදැන, හුදු ආවේගය නිසාම කරන කියන දේවල් වලින් සිදුවන්නේ අන්තවාදය තව තවත් පෝෂණය වීමකි. එහි වන්දිය ගෙවන්නේ අනාගත පරම්පරාවයි.

මේ දිනවල අන්තවාදය ගැන කතා කරන බෞද්ධ පේජ් වලින් පවා වැඩ්පුරම කතා කරන්නේ මද්‍රසා පාසල් ගැන නිසා මෙම ලිපියෙන් මද්‍රසා පාසල් ගැන විමසා බලමු.

1. මද්‍රසා යනු කුමක්ද?

(අ). මද්‍රසා යනු ඕනෑම වර්ගයක අධ්‍යාපන ආයතනයක් හෙවත් පාසලක් හැඳින්වෙන අරාබි වචනයයි. එය ආගමික හෝ නිර් ආගමික පාසලක් විය හැකිය. ප්‍රාථමික හෝ උසස් අධ්‍යාපන පාසලක් විය හැකිය. https://en.wikipedia.org/wiki/Madrasa

(ආ). මද්‍රසා යනු පාසල හැඳින්වීමේ අරාබි වචනය බව ඔබට මෙම ගූගල් පරිවර්තකය මගිනුත් පෙනේ. https://translate.google.lk/?hl=en&tab=wT1#view=home&op=translate&sl=auto&tl=ar&text=school


2. ශ්‍රී ලංකාවේ මද්‍රසා ආයතන ගැන තොරතුරු.

(අ). ශ්‍රී ලංකාවේදී මද්‍රසා යනුවෙන් හැඳින්වෙන්නේ ඉස්ලාම් ආගම උගන්වන පාසල් වලටය. නමුත් සමහර මද්‍රසා පාසල් වෙනත් විශයන්ද උගන්වන පූර්ණ කාලීන පෞද්ගලික පාසල් ලෙස ක්‍රියාත්මක වේ.

(ආ). බොහෝ මද්‍රසා පාසල් පැවැත්වෙන්නේ ඉරිදා දිනයේය. එය සමාන වන්නේ ඉරිදා දින බෞද්ධයන්ගේ දහම් පාසල් පැවැත්වෙන ආකාරයටයි. නමුත් බෞද්ධ දහම් පාසලක උගන්වන ඒවා සහ මද්‍රසා වල උගන්වන ඒවා හාත්පසින්ම වෙනස් බව අමුතුවෙන් කිව යුතු නොවේ. සමහර මද්‍රසා පාසල් සතියේ දිනවලත් පැවැත්වේ.

(ඇ). ඉස්ලාම් පූජකයින් හෙවත් මව්ලවිවරුන් බිහි කරන්නේ මෙම මද්‍රසා පාසල් වලින්ය. එය සමාන වන්නේ බෞද්ධ පිරිවෙන් වලින් භික්ෂූන් වහන්සේලාව බිහි කරන ක්‍රමයටය. නමුත් භික්ෂූන් වහන්සේලා සහ මව්ලවි වරුන් හාත්පසින්ම වෙනස් බව යළිත් කියමි. යම් විදිහකින් පිරිවෙන් නොමැති වුවහොත් පාසල් හෝ විශ්ව විද්‍යාල වලින් භික්ෂූන් වහන්සේලාව පුහුණු කරන්න නොහැකි වන අතර බුදු සසුනේ පැවැත්ම අභියෝගයට ලක් වේ. ඒ ආකාරයෙන්ම මද්‍රසා නැති වුණොත් මව්ලවිලව බිහි කරන්නත් නොහැකි වී ඉස්ලාම් ආගමේ පැවැත්ම් බාධා වේ.

(ඈ). මෙම මද්‍රසා පාසල් අධ්‍යාපන දෙපාර්තමේන්තුවේ මෙතෙක් ලියාපදිංචි කර නැත. ඉතින් අධ්‍යාපන දෙපාර්තමේන්තුවට තම නිලධාරීන්ව මද්‍රසා වෙත යවා ඒවායේ උගන්වන්නේ මොනවාද කියලා බලන්නට අයිතියක් නැත. එය උදාහරණයකින් කිවහොත්, ඔබගේ නිවසේ ඔබ සිසු සිසුවියන්ට පෞද්ගලික උපකාරක පන්තියක් කරනවා යැයි සිතන්න. අධ්‍යාපන දෙපාර්තමේන්තුවට ඔබ එහි උගන්වන්නේ මොනවද කියල බලන්නට අයිතියක් නැත. මන්ද යත් ඔබ අධ්‍යාපන දෙපාර්තමේන්තුවේ ලියාපදිංචි වී නැති නිසාවෙනි.

(ඉ). මද්‍රසා ආයතන අධ්‍යාපන දෙපාර්තමේන්තුවේ ලියාපදිංචි කර නැති නිසා ඒවායේ උගන්වන දේ තීරණය වන්නේ මද්‍රසා වල මව්ලවිලා විසිනි. ජනාධිපති නීතීඥ අලි සබ්‍රි වැන්නෙක් ඉරිදා දින මද්‍රසාවක උගන්වන්නේනම්, සහජීවනය ගැන සහෝදරත්වය ගැන උගන්වනු ඇත. ඒ අතරේ සහරාන් උගන්වා ඇත්තේ අනතවාදය ගැනයි. එක්තරා මද්‍රසාවක පෙළ පොතේ අන්‍යාගමිකයන්ව ඝාතනය කිරීමටත් උගන්වා තිබුණි.


3. "මව්ලවිලා බිහි වෙන්නේ මද්‍රසා පාසල් වලින් නම්, මද්‍රසා තහනම් කළාම වැඩේ හරිනේ, එතකොට මව්ලවිලා බිහි වෙන්නේත් නෑනේ, එතකොට ඔය මළ කරදරේ ඉවටම ඉවරනේ" යනුවෙන් සමහරුන් යෝජනා කරනු ඇත. මද්‍රසා තහනම් කළොත් වෙන දේවල් පහතින් දක්වමි.

(අ). පලමුවෙන්ම සියලුම මුස්ලිම් නීතීඥයින් එකතු වී මද්‍රසා තහනම් කිරීමේ ගැසට් එකට එරෙහිව ශ්‍රේෂ්ඨාධිකරණයේ මූලික අයිතිවාසිකම් නඩුවක් දානු ඇත. මද්‍රසා යනු මුස්ලිම් මව්ලවිලා බිහි කරන ආයතන බව ලෝක උදාහරණත්, ශ්‍රී ලංකාවේ උදාහරනත් අරගෙන ඔවුන් සනාථ කරනු ඇත.

(ආ). ඔවුන් ශ්‍රේෂ්ඨාධිකරණයේ තර්ක කරනු ඇත්තේ මද්‍රසා තහනම් කිරීම හරහා ආණ්ඩුක්‍රම ව්‍යවස්ථාවේ 14 (1) (ඉ) වගන්තිය උල්ලංඝනය වූ බවයි. (එකහෙලාව හෝ අන් අය සමග, ප්‍රසිද්ධියේ හෝ පෞද්ගලිකව තම ආගම, ලබ්ධිය හෝ විශ්වාසය ඇදහීමෙන්, පිළිපැදීමෙන්, ප්‍රගුණ කිරීමෙන් සහ ඉගැන්වීමෙන් ප්‍රකාශ කිරීමේ නිදහස)

(ඇ). තීන්දුව පැහැදිළියි. මද්‍රසා තහනම් කිරීමේ නියෝගය වහාම අත් හිටවෙනු ඇත. යම් විදිහකින් පාර්ලිමේන්තු පනතකින් මද්‍රසා තහනම් කළත්, එම පනත ගැසට් කිරීමට පෙර උක්ත අධිකරණ නියෝගය ලැබෙනු ඇත. ඉන් පසුව මද්‍රසා ගැන ආණ්ඩුවට කිසිවක් කිරීමට නොහැකි වෙන ආකාරයට වාරණ නියෝගයක්ද ලැබෙනු ඇත.

(ඈ). මෙවැන්නකට මෑත කාලීන උදාහරණය වන්නේ ආගමික ස්ථාන වල ශබ්ද විකාශන දැමීමට එරෙහිව ගෙන ආ නීතියයි. එමගින් පල්ලි වල දවසට 5 වතාවක් සිදුකරන හඬ ගෑම නැතර විය. ආගම යනු පුද්ගලික දෙයක් නිසාවෙන් ශබ්ද විකාශන දමා අන් අයට බලෙන් ඇස්සවීම අනවශ්‍ය බව අපගේද අදහසයි. එනමුත් කිසියම් පිරිසක් ඊට එරෙහිව ශ්‍රේෂ්ඨාධිකරණයට ගිය අතර, එමගින් අදාල නීතිය අත් හිටවිණි.

(ඉ). නමුත් මද්‍රසා තහනම් කරන්නම අවශ්‍යනම් ඊට ක්‍රමයක් තිබේ. එනම් 2/3 ක බලයක් අරගෙන පාර්ලිමේන්තුවේදී ආණ්ඩුක්‍රම ව්‍යවස්ථාවේ 14 (1) (ඉ) වගන්තිය ඉවත් කිරීමයි. ඉන් අනතුරුව ආණ්ඩුවට ඕනා විදිහට වෙනත් ආගම් සම්පූර්ණයෙන්ම වුවද තහනම් කිරීමට අයිතිය ලැබේ.

(ඊ). නමුත් එය කළ හැකිද? බටහිර රටවලින් ශ්‍රී ලංකා හමුදාවට එරෙහිව එල්ල වෙන යුද අපරාධ වලදී සහය දෙන්නේ ඉරානය ඇතුළු අරාබිකරයේ රටවල් ය. අනෙක් අතට ශ්‍රී ලංකාවේ ආගමික මර්දනයක් සිදුවෙන බව ලෝකයට ගිය විට චීනය සහ රුසියාවත් නිශේධ බලය යොදාගෙන සහය දීමෙන් වළකිනු ඇත.


4. කෙසේ හෝ ආණ්ඩුක්‍රම ව්‍යවස්ථාවේ 14 (1) (ඉ) වගන්තිය ඉවත් කර, මද්‍රසා තහනම් කළා යැයි සිතමු. එහි වාසිය කාටද?

අපේ සමහරුන් නොදැනුවත් කමින් මද්‍රසා තහනම් කරන්න යැයි කෑ ගැහුවත්, මද්‍රසා තහනම් කිරීමේ වඩාත්ම වාසිය ඇත්තේ අන්තවාදීන්ටයි. මෙන්න ඔවුන්ට ලැබෙන වාසි.

(අ). මද්‍රසා යනු ඉස්ලාම් පූජකයින් බිහි කරන ආයතන බව සෑම මුස්ලිමයෙක්ම දන්නා කාරණයකි. මද්‍රසා තහනම් කිරීම මගින් අන්තවාදයට ගොස් නැති අති බහුතරයක් මුස්ලිම් අයටත් සිංහල ජනතාව සමග ජීවත් වීමට නොහැකි බවට ඒත්තු ගැන්වීමට අන්තවාදීන්ට හැකි වෙනු ඇත. ඒ අනුව අන්තවාදීන්ගේ ගොඩ වැඩි වෙනු ඇත.

(ආ). මෙය උදාහරණයකින් කිවහොත්, සිතා බලන්න ඔබ සිටින දේශපාලන පක්ෂය විපක්ෂයේ සිටියදී ආණ්ඩුව විසින් ඔබගේ පක්ෂය තහනම් කළ බව. සිදුවන්නේ කුමද? තව තවත් ජනතාව ඔබගේ දේශපාලන පක්ෂයට එකතු වේ.

(ඇ). මද්‍රසා තහනම් කළ විට ඒ ගැන අති විශාල අනුකම්පාවක් ලබා ගැනීමට අන්තවාදීන්ට පමණක් නොව සාමාන්‍ය මුස්ලිම් නායකයින්ටද හැකි වෙනු ඇත. ඒ අනුව මැදපෙරදිගින් ඔවුන් අනුකම්පාව විකුණමින් අති විශාල ධනයක් ලබා ගනු ඇත. ඒ හරහා මද්‍රසා තහනම් කළ ආණ්ඩුව ගෙදර යවනු ඇත. ඉන් පසුව ඒ මහා ධනස්කන්ධයෙන් තවත් මද්‍රසා පාසල් දහස් ගණනක් පිහි‍ටුවා, ඒවාට එන සිසුන්ට මුදල් පවා ගෙවෙනු ඇත.

(ඈ). 1983 දී එවකට ජනාධිපති ජේ ආර් ජයවර්ධන විසින් පොලිසියට දින 3 ක නිවාඩුවක් දී පොලිසි වසා දමා, පසුව කොළඹ ඇති දෙමළ කඩ සුද්ද කර දැමුවේය. එදා ජේ ආර් යනු "කොන්ද පන ඇති නියම" සිංහල නායකයෙක් යැයි සමහරුන් උදම් ඇනූ හැටි අපට මතකය. එහි ප්‍රතිඵලය එදා සිට 2009 දක්වාම අපි දු‍ටුවෙමු. එනිසා අන්තවාදයට එරෙහි විය යුත්තේ එවැනිම අන්තවාදයකින් නොවේ. "නහි වේරේන වේරානී" යනුවෙන් බුදුරජාණන් වහන්සේ දේශනා කර ඇති නමුත් සමහරුන් එහි ඇති ගැඹුර තේරුම් නොගනී.


5. මුස්ලිම් රටක් වන පකිස්ථානයේ මද්‍රසා තහනම් කළා නේද?

පකිස්ථානයේ මද්‍රසා තහනම් කළා කීම සිංහල ජනතාව කුලප්පු කරමින් රටේ ගැ‍ටුමක් ඇති කිරීමට සමහරුන් කී ගල් පැලෙන බොරුවකි. පකිස්ථානය කළේ මද්‍රසා රජයේ පාලනයට නතු කිරීමයි. රොයිටර් පුවත් සේවය මෙසේ වාර්තා කරයි.
ISLAMABAD (Reuters) - Pakistan plans to take control of a network of over 30,000 madrasas as part of a drive to “mainstream” the Islamic schools by bringing them under state control, the military’s spokesman said on Monday.
https://www.reuters.com/article/us-pakistan-madrasas/pakistan-plans-to-bring-30000-madrasas-under-government-control-idUSKCN1S517Z


6. එසේනම් මද්‍රසා වලට මොකක්ද කරන්න ඕන?

කළ යුත්තේ මද්‍රසා පාසල් අධ්‍යාපන දෙපාර්තමේන්තුවේ ලියාපදිංචි කිරීම අනිවාර්ය කිරීමයි.

(අ). එවිට රජයට මද්‍රසා පාසල් අධීක්ෂණය කිරීමේ නෛතික බලය ලැබේ.

(ආ). එසේම මද්‍රසා පාසල් වලට විශය නිර්දේශය ලබා දීමට බලයත් අධ්‍යාපන දෙපාර්තමේන්තුවට හිමි වේ.

(ඇ). කිසියම් මද්‍රසාවක රටේ නීතියට එරෙහි දෙයක් ඉගැන්වේනම් එවිට එය කරපු මව්ලවිගේ බලපත්‍රය අහෝසි කිරීමට අධ්‍යාපන දෙපාර්තමේන්තුවට අයිතිය ලැබේ.

(ඈ). එවිට බලපත්‍රය නොමැති බැවින් එම මව්ලවිට තවත් ඉගැන්වීමට නොහැකි වේ.

(ඉ). එසේම ඔහු ත්‍රස්තවාදය උගන්වා ඇතිනම් ඔහුට ජම්පරය ලැබේ.

ඉහත දේවල් කරද්දී ආණ්ඩුක්‍රම ව්‍යවස්ථාව උල්ලංඝනය නොවන නිසාවෙන් කාටවත් ශ්‍රේෂ්ඨාධිකරණයට ගොස් ගැසට්‍ටුව අත් හිටවීමට නොහැකියි. අන්තවාදීන් පෝෂණය වන්නේත් නැත. ජාත්‍යන්තරයද අමනාප නොවේ. නමුත් අපේ සමහරුන්ට අවශ්‍ය වී තිබෙන්නේ 1983 දී ජේ ආර් කල විදිහට 'කොන්ද පන ඇතිව' ගේම දෙන්නටය.


read more

පැහැර ගත් බව කියන ලාංකික කාන්තාව ස්විස් තානාපති කාර්යාලයේ සිර කරගනී…. කට උත්තරයක් ගන්න නොදී ඝාතනයද කිරීමේ ඉඩක්..


1. පැහැර ගත්තා කියලා කියා ගන්නා අදාල කාන්තාවගේ සෞඛ්‍ය තත්වය උඩ සාක්ෂි දෙන්ඩ සුදුසු තත්ත්වයක නෑ යනුවෙන් තානාපති කාර්යාලය තීන්දු කරයි. http://archive.is/9B6Ne

2. ඒ අනුව වුණා කියන සිදුවීමට පසු දින 5 ක් ගිහිල්ලත් පොලිසියට සාක්ෂි දෙන්න සිවිස්ටර්ලන්ත තානාපති කාර්යාලයෙන් ඉඩ ලබා දී නැත.

3. සිදුවුණා කියන අපරාධය වුණා කියන්නේ ශ්‍රී ලාංකික පුරවැසියෙකුට ය. නැතිව ස්විස් ජාතිකයෙකුට නොවේ. (The local embassy employee was reportedly...)

4. එසේම එය සිදුවුණා කියන්නේ ශ්‍රී ලංකාවේ භූමිය තුළයි. නැතිව තානාපති කාර්යාල පරිශ්‍රයේ නොවේ. (...in a street in Colombo)

5. ශ්‍රී ලාංකික පුරවැසියා ස්විස්ටර්ලන්ත තානාපති කාර්යාලයේ රස්සාවක් කරයි. නැතිව ඇය තානාපති කාර්යාලයේ වහලක් නොවේ.

6. අපරාධයක් වූ වහාම ශ්‍රී ලංකාවේ නීතිය අනුව එහි සාක්ෂි විමර්ෂණය කිරීමට පොලිසියට ඉඩ දිය යුතු වේ.

7. වින්දිතයන්ගේ අවසන් සෞඛ්‍ය තත්ත්වය අනිවාර්යයෙන්ම පොලිසිය විසින් වාර්තා කළ යුතුය. ඊට හේතුව වින්දිතයන්ව ඝාතනය කරමින් එහි වරද විත්තිය පිට පැටවීමට ඉඩ ඇති නිසාවෙනි.

8. රජයේ වෛද්‍යවරයාගේ නිර්දේශ මත, සාක්ෂි ගන්නවාද නැද්ද යන්න තීරණය කරන්නේ පොලිසිය විසිනි. පොලිස් සාක්ෂි විමසීමට කුමන හෝ තරාතිරමක අයෙක් බාධා කරන්නේනම් එය අපරාධමය වරදකි.

9. ඒ අනුව අදාල ශ්‍රී ලාංකික කාන්තාව බලා, ඇගේ සෞඛ්‍ය තත්ත්වය වාර්තා කිරීමට ශ්‍රී ලංකා පොලිසියට ඉඩ ලබා නොදීමෙන් ස්විස්ටර්ලන්ත තානාපතිවරයා ශ්‍රී ලංකාව තුළ අපරාධමය වරදක් සිදුකරයි.

ස්විස් තානාපතිවරයාට යම් විදිහකින් ශ්‍රී ලංකා පොලිසිය ගැන විශ්වාසයක් නැත්නම් තවදුරටත් ශ්‍රී ලංකාවේ ‍රැඳී සිටින්නේ ඇයි? ඒ අනුව පොලිසිය ගැන විශ්වාස නැති නිසා සාක්ෂි දෙන්න ඉඩ නොදී ඉන්නවා කියන්නේනම් එය පට්ට පල් බොරුවකි.

ස්විස් තානාපති, ශ්‍රී ලාංකික පුරවැසියෙකුව හංගගෙන ඉන්න ඔබ තානාපතිවරයෙක් ද නැතිනම් වහල් හිමියෙක් ද?

ඇත්තටම සිදුවී ඇත්තේ සිවිස්ටර්ලන්ත තානාපති කාර්යාලය විසින් ශ්‍රී ලාංකික කාන්තාවක්ව බලහත්කාරයෙන් හංගාගෙන සිටීම නොවේද...

එසේ කිරීමට හේතුව ඒඩ්‍රියන් කන්දප්පා නැමැති අපරාධකරුට ශ්‍රී ලංකාවේ නීතියට පිටින් ස්විස්ටර්ලන්තයට පැනීමට වීසා හදා දීම නිසා තානාපති කාර්යාලයට සිදුවුණ ලැජ්ජාව වසන් කර ගැනීමට බවටත්, අසනීප තත්වයක් කියලා සාක්ෂි දෙන්න නොහැකියි කියන්නේ පොලිස් ප්‍රශ්න කිරීම් හමුවේ මෙම රඟපෑම හෙළි වෙන නිසා බවටත් සාධාරණ සැකයක් ඇති වේ.

මෙහි අපිට පක්ෂ දේශපාලනයක් නැත. රටක් වශයෙන් මේ අසාධාරණයට එරෙහිව නැගී සිටිමු. මේ ගැන සියල්ලන්වම දැනුවත් කරන්න.
read more

මුස්ලිම් මන්ත්‍රීවරුන් සියල්ලන්ම එක පොදියට තනතුරු වලින් ඉවත් වීමේ අහිරහස මෙන්න


මරාගෙන මැරෙන ප්‍රහාරය එල්ල කළ අන්තවාදීන්ට සහයෝගය දැක්වීමේ චෝදනාව මත සිදුකරන පරීක්ෂණ උදෙසා ආණ්ඩුවේ තනතුරු වලින් ඉවත් වෙන ලෙසට දැන්වූයේ දේශපාලඥයින් 3 දෙනෙකුට පමණයි. එනම් අසාද් සාලි, හිස්බුල්ලා සහ බදියුදීන්. ඒ වෙනුවෙන් හඬ නැගීමට බෞද්ධ භික්ෂූන් වහන්සේලා සමග කාදිනල් තුමන්ද ක‍තෝලික ජනතාව සමග එකතු වුණා. නමුත් අද දින ආණ්ඩුවේ සිටින සියලුම මුස්ලීම් මන්ත්‍රීවරුන් සිය ඇමති ධූර වලින් ඉල්ලා අස් වුණා. එසේම ඔවුන් පක්ෂ විපක්ෂ බේධයකින් තොරව එක පොදියට එක් වුණා. එසේ වූයේ ඇයි දැයි ඔබ දැන සිටියා ද?

ජවිපෙ කැ‍රැල්ලේදී නායකත්වයෙන් පැවසූ අදාල වෙලාව එන තෙක් ඉවසන්නේ නැතිව එක්තරා කැරලි නායකයෙක් පොලිසියකට ප්‍රහාරයක් එල්ල කිරීමට ගොස් අවසානයේදී සමස්ත කැ‍රැල්ලම ආරක්ෂක අංශ වලට හසු වූ හැටි ඔබ අසා ඇතුවාට සැක නැහැ. ඒ ආකාරයෙන්ම පසුගිය දා පාස්කු දින එල්ල වූ ප්‍රහාරයත් ඉවසන් සිටීමට නොහැකි ‍රැඩිකල් මතවාදියෙක් වූ සහරාන් හෂීම් විසින් කළින්ම කරන ලද පහර දීමක්.

මීට පෙර එකතරා භික්ෂූන් වහන්සේ කෙනෙක් තමන්ට ලැබුණු ලිපියකින් හෙළි කළ ආකාරයට මොවුන් කල් යල් බලමින් සිටියේ ශ්‍රී ලංකාව තුළ වෙනම මුස්ලිම් රාජ්‍යයක් බිහි කිරීම උදෙසායි. ඒ සඳහා කටාර් රාජ්‍යයේ අන්තවාදී කණ්ඩායම් අනුග්‍රහය දක්වනවා. ඊට දේශපාලන සහ සන්නද්ධ වශයෙන් කණ්ඩායම් දෙකක් සිටි අතර සහරාන් හිටියේ එහි සන්නද්ධ කණ්ඩායමේ. දේශපාලන කණ්ඩායම කවුදැයි ඔබ හොඳාකාරවම දන්නවා.

කොටි ත්‍රස්තවාදීන්ගෙන් බොහෝ දෙනා තම ජීවිතය විනාශ වුණත් සංවිධානය පාවා දීමට කැමති නැහැ. එහෙත් මෙම අන්තවාදීන්ගේ ප්‍රධානතම දුර්වලතාවය වන්නේ, ඔවුන අරක්ෂක් අංශ වලට හසු වූ වහාම දිගට හරහට සියල්ල වැමෑරීමට පටන් ගැනීමයි. අන්න ඒ හේතුව මත යම් හෙයකින් අසාද් සාලි, බදියුදීන් සහ හිස්බුල්ලා යන තිදෙනාව ආරක්ෂක අංශ වලට කො‍ටු වුවහොත් ඔවුන් සියලුම සැලසුම් හෙළි කරනු ඇතැයි අන්තවාදීන්ගේ නායකත්වය බිය වුණා. ඒ අනුව ඔවුන් සියල්ලම එකතු වී සිය තනතුරු වලින් ඉවත් වෙනවා.

ඉතින් මෙම මුස්ලිම් මන්ත්‍රීවරුන් සිය ඇමති ධූරයන්ගෙන් ඉවත් වීමත් සමග ඉදිරියේදී තවත් ප්‍රහාරයක් හෝ ජාතිවාදී කැ‍රැල්ලක් ඇති වීමට ඉඩ තිබෙන බව ආරක්ෂක විශ්ලේෂකයන්ගේ මතයයි. එවැන්නක් වුවහොත් R2P යටතේ එක්සත් ජාතීන්ගේ සාම සාධක හමුදාව ශ්‍රී ලංකාවට ගෙන්වා මුස්ලිම් අයව ආරක්ෂිත ලෙස නැගෙනහිර පදිංචි කර ඔවුන්ගේ වෙනම රාජ්‍යය ඇති කර ගැනීමට මෙම අන්තවාදී මන්තීවරුන් කටයුතු කරාවි.

ඒ සඳහා ඔවුන් ශ්‍රී ලංකාව තුළ සෑම ක්ශේත්‍රයක්ම ආවරණය කර තිබෙනවා. විශේෂයෙන්ම නීති අංශය. මේ වෙන විට නීතිපති දෙපාර්තමේන්තුව තුළ සිටින එකතරා අන්තවාදී මත දරන ජේෂ්ඨ නිලධාරිනියක් තවත් අන්තවාදීන්ව එය තුළට ගනිමින්, නීතිපත් දෙපාර්තමේන්තුව ග්‍රහණය කරගනිමින් සිටිනවා. ඒ ගැන අපි ඉදිරියේදී වැඩිදුර හෙළිකරන්නෙමු.

එම පසුබිම මත ඉදිරියේදී ජනාධිපතිවරයා විසින් සිංහලයන් වෙනුවෙන් පෙනී සිටින මන්ත්‍රීවරයෙක්ව (එජාපයෙන් හෝ පොහොට්‍ටුවෙන් හෝ ශ්‍රිලනිපයෙන් වේවා) පත් කළහොත්, මෙම මුස්ලිම් මන්ත්‍රීවරුන් එම අගමැතිවරයාට පාර්ලිමේන්තුවේ බහුතරය හදා ගැනීමට කිසි සේත්ම ඉඩ නොදෙනු ඇති බව දේශපාලන විචාරකයන්ගේ මතයයි. ඔවුන් ඉඩ දෙන්නේ අන්තවාදයට දර දිය අදින අගමැති වරයෙකුට පමණයි.

තවත් පැහැදිළිව කිව්වොත් විපක්ෂයේ සිටින්නේ සිංහල සහ දමිළ මන්ත්‍රීවරුන් 100 කට අඩු ප්‍රමාණයක්. ඒ වගේම ආණ්ඩුවේ සිටින්නේත් සිංහල සහ දමිළ මන්ත්‍රීවරුන් 100 කට අඩු ප්‍රමානයක්. මෙලෙස විපක්ෂයේ සහ ආණ්ඩුවේ සිටින සිංහල මන්ත්‍රීවරුන් බෙදී සිටින තාක් කල්, අගමැතිවරයා සහිත ආණ්ඩුව පිහිටවීම ට අවශ්‍ය ඉතිරි මන්ත්‍රීවරුන් 13 දෙනා තීරණය කරන්නේ මෙලෙස එක පොදියට එක්ව සිටින පාර්ලිමේන්තුවේ සිටින මුස්ලිම් මන්ත්‍රීවරුන් විසිනුයි.

අමතක කරන්න එපා, 1977 සිට පැවැති සෑම ආණ්ඩුවකදීම මෙම මුස්ලිම් මන්ත්‍රීවරුන්ගෙන් හැමෝම වගේ හිටියේ ආණ්ඩුව තුලයි, පක්ෂය බලයට ගේන්න දර දිය ඇද්ද සිංහල මන්ත්‍රීවරුන්ට නොව, ඊට එරෙහිව වෙනම තරග වැදුණ මොවුන් හොඳම ඇමති ධූර ටික අර ගන්නවා.

ඉතින් මුස්ලිම් ඇමතිවරුන්ගේ ඉල්ලා අස්වීම අපිට ජයග්‍රහණයක් ලෙස සලකා ජයපැන් බීමට අවස්ථාවක් නෙමෙයි කියල ඔබට දැන් වැටහෙනවා ඇති.

ඒ නිසා මේ වෙලාවේ පාර්ලිමේන්තුවේ සිටින සිංහල මන්ත්‍රීවරුන් ප‍ටු දේශපාලන බේධ ඉවතලා එකතු වී කටයුතු කළ යුතුයි. අන්තවාදයට බිය නොවන අගමැතිවරයෙක්ව පත් කර ගත යුතුයි. එලෙස පාර්ලිමේන්තුවේ සිටින සිංහල මන්ත්‍රීවරුන් පක්ෂ බේද ඉවතලා එකතු නොවන්නට, සිංහල ජාතියේ අවසානය තව දසක කිහිපයකින් අපිට දැකගත හැකි වේවි.

(In this article, we have never accused any ethnicity or a any kind of religion, only a political analysis. Please note that the automatic translation might give incorrect meaning)
read more

රනිල් වික්‍රමසිංහගේ නියෝගයෙන් සිදුවූ යුද්ධ හමුදා ඉතිහාසයේ මහා පාවාදීම !


හමුදා බුද්ධි අංශ සාමාජිකයන් හා නිල නොලත් හමුදා සාමාජිකයන් ලෙස කටයුතු කළ බුද්ධි අංශයේ ද්‍රවිඩ ඔත්තුකරුවන්ව 2002 වසරේ සිට කොටි ටොසි(TOSI) බුද්ධි අංශයේ ඇසට හසුවී LTTE පිස්තෝලකරුවන් විසින් එක පෙළට ඝාතනය කරනු ලබනවා.

ශ්‍රී ලංකාවේ අපකීර්තිමත්ම යුද්ධ හමුදා පාවා දීම ලෙස අධිකරණය විසින් නම් කරන ලද ‘මිලේනියම් සිටි’හි ස්ථානගතව සිටි දුරදිග විහිදුම් බළකා බුද්ධි අංශයේ අනන්‍යතාවය දේශපාලන ඕනෑ එපාකම් මත දුරදිග නොබලා හෙලිකිරීම ඉහත දැක්වූ ඝාතන පෙළට බලපෑ හේතුව විය. මෙම පාවාදීමෙන් හමුදා බුද්ධි අංශය පිළිබඳව විශාල තොරතුරු ප්‍රමාණයක් කොටි ත්‍රස්තයන් අතට ගිය අතර බුද්ධි අංශය විශාල අනාරක්ෂිත තාවයකට පත් වෙනවා. ඒ හේතුවෙන් බුද්ධි අංශ නිලධාරීන් විශාල ප්‍රමාණයක් කොටි වෙඩි උණ්ඩයට බිලිවෙන අතර තවත් ප්‍රමාණයක් දිවි බේරා ගැනීම සඳහා විදෙස් රටවලට පලා යනවා.

හමුදා බුද්ධි අංශ නිලධාරීන්ට හා බුද්ධි අංශ ද්‍රවිඩ ඔත්තුකරුවන්ට මෙවැනි ඉරණමක් අත්කර දුන් මිලේනියම් සිටි පාවා දීම ගැන අපි සොයා බලමු.

අතුරුගිරියේදී කළ වැටලීම

අතුරුගිරිය මිලේනියම් සිටි නිවාස සංකීර්ණය (Devaka Seneviratne Photography)

2002 ජනවාරි 2වන දින රාත්‍රියේදී මහනුවර නිල සුනඛ අංශයේ සහකාර පොලිස් අධිකාරීවරයා වූ කුලසිරි උඩුගම්පොළ නම් පොලිස් නිළධාරියා ප්‍රමුඛ පොලිස් භට පිරිසක් අතුරුගිරියට පැමිණෙන්නේ එවකට මහනුවර ජ්‍යෙෂ්ඨ පොලිස්‌ අධිකාරිවරයාට හා නුගේගොඩ ජ්‍යෙෂ්ඨ පොලිස්‌ අධිකාරිවරයාට කිසිම ආකාරයෙන් දැනුම් දීමක් නොකරමින්. එම රාත්‍රියේ මෙම කණ්ඩායම විසින් ඉතාමත්ම රහසිගතව පවත්වාගෙන ගිය මිලේනියම් සිටි යුද්ධ හමුදා බුද්ධි අංශය වටලනු ලබනවා.

යුද්ධ හමුදා බුද්ධි අංශය මිලේනියම් සිටිහි ස්ථානගත වීම නිත්‍යානුකූලව ඔප්පු කරන ලෙසත් එහි අවි ගබඩාවේ ඇති ගිනිඅවි වල නිත්‍යානුකූල බව ඔප්පු කරන ලෙසත් මිලේනියම් සිටි බුද්ධි අංශයේ කපිතාන් නිලම් ප්‍රමුඛ පිරිසට දන්වනවා. මෙලෙස අත් අඩංගුවට පත්වෙන කපිතාන් නීලම් ඇතුළු බුද්ධි අංශ සාමාජිකයන් හයදෙනා මහනුවරට රැගෙන ගොස් කටුගස්තොට පොලීසියේ රඳවනවා. දින කිහිපයකින් අනතුරුව මෙම අත්අඩංගුවට ගත් පිරිස නිදහස් කරනු ලැබුවත් ඒ වන විට දිගු දුර විහිදුම් බළකා බුද්ධි සාමාජිකයන්ගේ සියළු තොරතුරු මාධ්‍ය මගින් හෙළි වී තිබුණි.

දේශපාලනික අත්අඩංගුවට ගැනීමක් බව සනාථ කරන සාධක

එවකට යුද්ධ හමුදාපති ලයනල් බලගල්ල (The Sunday Leader)

කපිතාන් නීලම් ඇතුළු කණ්‌ඩායම මිලේනියම් සිටි නිවාස සංකීර්ණයේ ස්‌ථානගත වූයේ නීත්‍යනුකූලව යැයි එවකට හමුදා බුද්ධි අංශ ප්‍රධානී කපිල හෙන්දාවිතාරණ හා එවකට යුද්ධ හමුදාපති ලයනල් බලගල්ලේ කළ ප්‍රකාශයන් සහකාර පොලිස් අධිකාරී උඩුගම්පොළ විසින් පිළිගන්නේ නෑ. එසේම මිලේනියම් සිටි වැටලීමට තමන් පැමිණියේ අධිකරණ නියෝගයක් රැගෙන බව පැවසූවත් එවැනි නියෝගයක් පෙන්වීමට ඔහු අපොහොසත් වෙනවා. අත්අඩංගුවට ගත් පසු මෙම කණ්ඩායම සතු යුද්ධ අවි වල නිත්‍යානුකූල බව යුද්ධ හමුදාව විසින් ලිඛිත ලියවිල්ලකින් සනාථ කළහොත් කණ්ඩායම හැකි ඉක්මණින් නිදහස් කරන බව උඩුගම්පොළ විසින් පැවසුවත් යුද්ධ හමුදාව විසින් ඉදිරිපත් කළ ලියවිල්ල පිළිබඳව ඔහු සළකා බලන්නේ නෑ.

අතුරුගිරියේ මිලේනියම් සිටි වැටලීම මාධ්‍යයට වාර්තා කිරීමට මහනුවර ප්‍රදේශයේ ප්‍රාදේශීය වාර්තාකරුවෙක් උඩුගම්පොළ විසින් රැගෙන ඒම මගින් මෙම වැටලීම ඉතා සැළසුම් සහගතව කළ එකක් බවට හෙළි වෙනවා. අත්අඩංගුවට ගැනීමෙන් නොනැවතුණු උඩුගම්පොළ එවකට සිටි යුද්ධ හමුදාපතිවරයාට හා බුද්ධි අංශ ප්‍රධානියාට එරෙහිව නඩු පවරනවා. ඒ අනුව යුද්ධ හමුදාපතිවරයාට හා පොලිස්පතිවරයාට නොමැති බලයක් ඔහු භාවිතා කළ බව පෙනෙනවා.

විකීපීඩියා වෙබ් අඩවියේ දැක්වෙන අයුරින් ද මෙම පාවාදීම පසුපස සිටියේ එවකට අග්‍රාමාත්‍ය රනිල් වික්‍රමසිංහයි. එහි මෙසේ දැක්වෙනවා. [[වටලන ලද ස්ථානය එවක අගමැති රනිල් වික්‍රමසිංහ මහතා ඇතුළු එක්සත් ජාතික පක්ෂයේ ඉහල නායකයින් ඝාතනයට සැළසුම් කල තිප්පොලක් වශයෙන් මහජනයාට හුවා දැක්විණි. මේ පිළිබඳ චෝදනාව පළමු වතාවට 2001 නොවැම්බරයේදී මැතිවරණයට පෙර එජාප සභාපති චරිත රත්වත්තේ සහ උප සභාපති දයා පැල්පොල මගින් සිදු කරන ලදී. කෙසේ නමුදු පසුව මෙම චෝදනා පදනම් විරහිත බැව් හෙලිදරව් විය.]]

රනිල් වික්‍රමසිංහ සහ කොටි න්‍යායාචාර්ය ඇන්ටන් බාලසිංහම්

මිලේනියම් සිටි පාවාදීමට හේතු වී ඇත්තේ එහි බුද්ධි නිලධාරීන් විසින් ප්‍රභාකරන්ගේ සමීපතමයන්ව අවසන් කිරීමත්, ප්‍රභාකරන්ගේ ජීවිතයට එය දැඩි තර්ජනයක් වීමත්, ඒ අතරවාරයේ රනිල් වික්‍රමසිංහට ප්‍රභාකරන් සමග සාම සාකච්ඡා දිගටම පවත්වාගෙන යාමටනම් ඔහුට රහසින් පැවැති මෙම දිගු දුර විහිදුම් බලකාය අවසන් කිරීමට සිදුවීමත් යන කාරණා යි.

රනිල් වික්‍රමසිංහ සහ ප්‍රභාකරන් අතර පැවැති සමීප හිතවත්කම, මානුෂික මෙහෙයුම අතර වාරයේදී හමුවූ කොටි සංවිධානය විසින් බෙදා හැර තිබූ මෙවැනි ඔරලෝසු හෝඩුවාවක් සපයනවා.



තොරතුරු හෙලිවීමේ විපාක

ලුතිනන් කර්නල් තුවාන් මුතාලිෆ්ට අවසන් ගෞරව (Navigation News)

මෙම සිදුවීම හේතුවෙන් සියළුම රහස්‍ය ඔත්තුකරුවන්ගේ අනන්‍යතාව හෙළි වූ අතර කොටි වෙබ් අඩවි වල පවා මෙම සිදුවීම පිළිබඳව වාර්තා පළ වෙනවා. ටොසි ඔත්තු සේවය ඔස්සේ පැමිණෙන කොටි පිස්තෝලකරුවන්ගේ ගොදුරු බවට බුද්ධි සාමාජිකයන් පත්වන්නේ කොළඹ, යාපනය මඩකලපුව හා ත්‍රිකුණාමලය වැනි ප්‍රදේශ වලදීයි.

වැටලීමෙන් හරියටම දින 18කට පසු තම ගොදුරු සොයා යන LTTE පිස්තෝලකරුවන් 2002 ජනවාරි 20 වන දින විද්‍යාදරන් හෙවත් නිති ව ඝාතනය කරනවා. 2002 පෙබරවාරි 9වන දින ක්‌ලාරි හෙවත් ගඩාපිද, 2002 ජුලි 22 වන දින අරින්ජාන් හෙවත් සමින්දරාජන්ද, 2002 දෙසැම්බර් 11වන දින ගනේශ්මූර්ති හෙවත් තිලක රාජාද, 2003 ජනවාරි 03දින කැෂියර් හෙවත් පුලේන්ද්‍රරාසාද, 2003 මාර්තු 18 දින රගුපති හෙවත් රගුද, 2003 අප්‍රේල් 13දින රංජන් හෙවත් වර්ධන්ද, 2003 අප්‍රේල් 26 දින අශෝක්‌ දේවරාජාද, 2003 මැයි 21 මාස්‌ටර් හෙවත් කුමාර් පෙරුමාල්ද, 2002 අගෝස්‌තු 14දින දේවදාස්‌ද ඝාතනය කරනවා.

ඉන් නොනැවතෙන කොටි පිස්තෝලකරුවන් 2002 දෙසැම්බර් 02 දින අයිස්‌, 2003 අප්‍රේල් 23 දින යශෝධරන්, 2003 මැයි 19 දින සූරියන්, 2003 අගෝස්‌තු 03 දින රිල්වාන්, 2003 අගෝස්‌තු 08 දින ශන්මුගරාසා, 2003 සැප්තැම්බර් 14 දින සබාරත්නම්, 2004 ජනවාරි 31 දින යෝගරාසාද ඝාතනය කරනවා. එලෙස ඉහත දැක්වූයේ කොටින් විසින් ඝාතනය කළ බුද්ධි කණ්ඩායමේ කිහිපදෙනෙක්.

බුද්ධි අංශයේ ප්‍රබලයන් වන කර්නල් තුවාන් මුතාලිෆ් හා කර්නල් මිඩින් කොළඹදී ඝාතනය වීමත් මෙහි ප්‍රතිඵලයක්.

මෙම ඝාතන රැල්ලත් සමඟ අනාරක්ෂිත වූ කපිතාන් නිලම් ඇතුළු සාමාජිකයන් පිරිසක් විදෙස් රටවලට පලා යනවා.

පොලිස් කොමිසම හමුවේ හෙළි වූ දෑ

එවකට ආරක්ෂක ලේකම් ඔස්ටින් ප්‍රනාන්දු (Vimeo)

නිදහස්‌ වූ පසු දිගුදුර විහිදුම් බළකායේ කණ්‌ඩායම තම මානව හිමිකම් අහිමි වූ බව දක්‌වමින් අධිකරණය හමුවට යනවා. ආණ්ඩුවේ දේශපාලනඥයන්ගේ දැඩි බලපෑම් වලට හසුවෙන මෙම කණ්ඩායමට 2004 ජනවාරි 30 වැනිදා අධිකරණය විසින් තීන්දුවක්‌ දෙනවා. ඔවුන්ගේ මානව හිමිකම් උල්ලංඝනය වී ඇතැයි තීරණය කරන අධිකරණය සෑම අයෙකුටම රුපියල් 750,000 බැගින් ගෙවන ලෙස නියෝග කරන අතර උඩුගම්පොලගේ මෙම වැටලීම අධිකරණය විසින් දැඩි දෝෂාරෝපණයට ලක්‌ කරනවා. මෙම අධිකරණ නියෝගයෙන් පසු ජාතික පොලිස්‌ කොමිසම විසින් උඩුගම්පොලව අනිවාර්ය නිවාඩු යවන අතර 2005 මාර්තු 23 වැනිදා ඔහුව විශේෂ පොලිස්‌ කණ්‌ඩායමක්‌ විසින් අත්අඩංගුවට ගෙන අධිකරණය වෙත ඉදිරිපත් කරනවා.

පොලිස් කොමිසම හමුවේ සාක්ෂි දෙන ජනමාධ්‍ය ලේකම්වරයා මෙම වැටලීම වීඩියෝගත කරන ලද්දේ ආරක්ෂක ලේකම් ඔස්ටින් ප්‍රනාන්දුගේ අවසර මත බව පවසනවා. මෙහිදී හෙළිවූ තවත් කරුණක් වන්නේ හමුදාවේ මේජර් ජනරාල් වරයෙක්, ලුතිනන් කර්නල්වරයෙක්,කර්නල්වරයෙක් හා මේජර්වරු තිදෙනෙක් මිලේනියම් සිටි වැටලීම පිළිබඳව කලින් දැනගෙන සිටි බවයි. තවද එදා පැවැති රජයේ දේශපාලකයන් තිදෙනකු හා රාජ්‍ය නිලධාරීන් දෙදෙනෙක්‌ විසින් කණ්ඩායමේ ප්‍රධානී කපිතාන් නීලම් ඇතුළු පිරිසට බලපෑම් එල්ලකර ඇතිබව හෙළිවෙනවා.

ජාතික පොලිස්‌ කොමිසම විසින් චෝදනා 20 ක්‌ යටතේ චෝදනා පත්‍ර ගොනුකර මූලික විමර්ශන ලිපි ගොනුද සමග 2006 පෙබරවාරි 28 වැනිදා පූර්ණ වාර්තාවක් පළ කරන අතර “ජාතියට සිදුකළ සම්පූර්ණ පාවාදීමක් හා ඒකාන්ත ද්‍රෝහී ක්‍රියාවක්” ලෙස එහි මෙම සිදුවීම හඳුන්වා තිබෙනවා. හමුදාව සමඟ සම්බන්ධතා පැවැත්වූ 80කට අධික පිරිසක් මිලේනියම් සිටි පාවාදීම නිසා ඝාතනය වුණා.

මෑත කාලීන සිදුවීම්

රනිල් වික්‍රමසිංහ නැවතත් බලයට පත් වීමෙන් අනතුරුව මිලේනියම් සිටි බුද්ධි නිලධාරීන්ගෙන් පළි ගැනීමට ඔහු අමතක කළේ නෑ. එවකට හමුදා බුද්ධි අංශ ප්‍රධානී සහ මානුෂික මෙහෙයුම අතරවාරයේදී ජාතික බුද්ධි අංශ ප්‍රධානී ලෙස කටයුතු කරමින් ශ්‍රී ලාංකික හමුදා ඉතිහාසයේ කීර්තිමත්ම නිලධාරියෙක් වන මේජර් ජෙනරල් කපිල හෙන්දවිතාරණ මහතාට අභූත චෝදනා නගා ඔහුව එෆ් සී අයි ඩී ගෙනියනවා. නමුත් එතුමන්ට එරෙහි කිසිදු චෝදනාවක් ඔප්පු කිරීමට රනිල් වික්‍රමසිංහට හැකි වෙන්නේ නෑ.


දිගු දුර විහිදුම් බලකායේ සිටි, දැනට අබාධිත රණවිරුවෙක් වන සුනිල් රත්නායක මහතාව කොටි ත්‍රස්තවාදීන් පිරිසකගේ සාක්ෂි මත පදනම් වෙමින් මරණ දඬුවම ලබා දෙන්නේත් රනිල් වික්‍රමසිංහගේ පසුගිය පාලන කාලය තුළදී යි.

read more

ශ්‍රී ලංකාව නැවතත් බ්‍රිතාන්‍ය යටත් විජිතයක් කරා නිල වශයෙන් ගමන් කරයි.


ස්වෛරී රටක හමුදාව පාලනය කීරීමේ එකම බලතලය හිමි වන්නේ එරට සේනාධිනායකවරයා ප් ප්‍රමුඛ ආරක්ෂක මණ්ඩලයට පමණි. යම් ලෙසකින් කිසියම් රටක හමුදාවක් පාලනය කිරීමට තවත් රටක නිලධාරියෙක්ව නිල වශයෙන් පත් කරයිනම් ඒ රට තවදුරටත් ස්වෛරී රටක් නොවේ.

ශ්‍රී ලංකාවේ හමුදාව ප්‍රතිසංවිධානය කිරීමට බ්‍රිතාන්‍ය නිලධාරියෙක්ව අවසන් වරට පත්ව සිටියේ බ්‍රිතාන්‍යයන් අප රට පාලනය කළ කාලය තුළදීය. එනමුත් නැවතත් බ්‍රිතාන්‍ය නිලධාරියෙක්ව පත් කිරීමෙන් පෙනෙන්නේ කුමක්ද?

රණවිරුවන්ව පෝරකයට යවාපු යහපාලුවන් දැන් සුද්දො ලවා ශ්‍රී ලංකා හමුදාවේ කොඳු කඩයි.

මෑතකදී අප රටේ සේනාධිනායකවරයා තම බිරිඳව බ්‍රිතාන්‍ය රැජින ඉදිරියේ දණ ගැස්සවූ දා අපේ බොහෝ අය කීවේ මේ දේ වෙන බවයි. නමුත් සමහරුන් පිළිගත්තේ නැත. මේ යන විදිහටනම් ශ්‍රී ලංකා ජාතික කොඩියේ බ්‍රිතාන්‍ය ලාංඡනය ඇතුළත් කෙරෙන දිනය වැඩි ඈතක නොවන බව මතක තබා ගන්න.

1815 සිදුවීම නැවතත් වෙන බව ඇස් පනා පිට පෙනියදීම තවත් නිහඬව සිටින්නේ ඇයි සිහලුනේ?
read more

පුරාණ රජමහා විහාරය ඉදිරිපස අරාබි පාසලක් හදයි.



පුරාණ රජ මහා විහාරයක් අසළින්ම ආණ්ඩුවෙන් අරාබි පාසලක් හදයි. මේවයේ උගන්වන්නේ ශරියා නීතිය.

ඊළඟ අදියර තමයි රට තුළ වෙනම මුස්ලීම් කලාප බෙදා ඒවායේ ශරියා නීතිය ක්‍රියාත්මක කිරීම. අවසානයේදී වැරදි වලට අත පය කපා දාද්දී ඒවයින් අපහසුතාවයට පත් වන්නේ ඒ ප්‍රදේශ වල සිටින සිංහලයන් විතරක් නෙමෙයි.

කොයි මුස්ලීම් කෙනාද කැමති තමන් අතින් සිදුවන වැරදි වලට අත පය කැපෙනවාට? උදාහරණක් ගතහොත්, හොර කමකට වැරදි කරුගේ අත පය කැපුවට පස්සේ යම් දිනෙක ඔහු නිවැරදි කරු බව ඔප්පු වුණත් අර කැපුණ අත නැවත දෙන්නේ කොහොමද?

මේ රටේ සාමකාමී මුස්ලීම් සමාජය අරාබි සංස්කෘතියට ඇද දාන එකට බුද්ධිමත් මුස්ලීම් අයත් විරුද්ධ විය යුතුයි නේද?.
read more

හිරේ ඉන්න ත්‍රස්තවාදීන් ආණ්ඩුවට තර්ජනය කර මාධ්‍ය නිවේදන පළ කරන අරුම පුදුම රටක් මේක.


මේ බලන්න අපේ රටට වෙලා තියෙන දේ. හිරේ ඉන්න ත්‍රස්තවාදීන් ආණ්ඩුවට අනතුරු අඟවලා මාධ්‍ය නිවේදන පළ කරනවා.

වෙන රටක හිරේ ඉන්න ත්‍රස්තවාදීන් මෙහෙම තර්ජනයක් කළොත් ඒකම ඇති එම ත්‍රස්තයන්ට ජීවිතාන්තය දක්වාම හිර දඬුවම් ලබන්න. ඒත් අපේ රටේ වත්මන් පාලකයන් කරන්නේ මොවුන්ගේ තර්ජනයට බයේ ඉතිරි අයවත් නිදහස් කරන එක.

යහපාලනෙන් කොටි නිදහස් කරනවා කියල එදා අපි කිව්වාම සමහරු හිනා වුණා. දැන් ඒක සිදු වෙනවා. අපි අද කියනවා මෙහෙම කළු කොටි නිදහස් කළොත් ආයිත් ඊළම ලබා ගන්න තැන තැන බෝම්බ පිපිරෙන යුගයක් ඒවි කියලා. ඒකට අද හිනා වෙන අයට තමන්ගේම කෙනෙක්ට අනතුරක් වුණ දාට අපි අද කියපු දේ මතක් වේවි.
read more

කඨින පෙරහර ‍රැකගනිමු, එය විකාර පෙරහරක් වීම වළක්වමු


බෞද්ධයෙකුට තම ජීවිත කාලය තුළදී කරගත හැකි මහා කුසලයන් අටකි. ඒවා “අට මහ කුසල්” නම්වේ.

[1]. කඨින චීවර පූජාව [2]. අටපිරිකර පූජාව [3]. සංඝාවාස පූජාව [4]. සඟසතු කොට දන් පිදීම [5]. දහම් පොත් ලිවිම [6]. කෙත්වතු පූජාව [7]. බුද්ධ ප‍්‍රතිමා ඉදිකිරීම [8]. වැසිකිළි සකසා පූජාකිරීම

ඉන් පළමු තැන ගන්නා කඨින චිවර පූජාවේ වැදගත් කම ගැන සිංහල බෞද්ධයා අඩවියේ පෙර ලිපියකින් සඳහන් කළෙමි.

කඨින චීවර පූජාවේ වැදගත්ම සංස්කෘතික අංගයක් වන “කඨින පෙරහර” යනු කාලාන්තරයක් තිස්සේ සිංහල බෞද්ධ ජන සමාජය තුළ ප්‍රචලිත ව පවතින්නකි. එහි මුඛ්‍ය පරමාර්ථය වූයේ, කඨින චීවරය පූජා කිරීමට පෙර ගම වටා වඩම්මවා ගමේ සියලුම දෙනාට අත ගස්සවා සෑම දෙනාටම කුසල් සම්පාදනය කරගැනීමට අවස්තාව සළසා දිමය.

අතීතයේදී කඨින පෙරහර යනු සිතේ පැහැදීමක් ඇති කරමින් බුද්ධාලම්භණ ප්‍රීතියෙන් ඔකඳ කරවන මනහර දසුනකි. ඈතින් විහාරස්ථානයේ පිරිත් දේශනාව ළාවට ඇසෙද්දී, ළඟ ළඟ එන පෙරහරේ හේවිසි – බෙර නාදය ඇසෙත්ම කඩිනමින් මහපාරට ගොස් දොහොත් මුදුන් දී කඨින චීවරයට වන්දනා කරන අපේ අත් අම්මාගේ පස්වනක් පිනා ගිය මුහුණෙන් දිස් වූනේ ඇගේ සියලුම වාත අමාරු සුවවූවාක් වැන්නකි. හේවිසි නාදයේ තාලයටම වාගේ ඇසෙන ගමේ ඇත්තන්ගේ සාදු නාදයෙන් ගුවන් තලය ගිගුම් දෙද්දී කඨින චීවරය පූජා කිරීමේ අවස්තාව දකින එදා කුඩා වුන් වූ අපටත් බුදු සසුන ගැන ඇතිවූයේ පුදුමාකාර ශ්‍රද්ධාවකි.

එහෙත් කණගා‍ටුවට කරුණනම්, වර්තමානයේදී සුළුතරයක් කඨින පෙරහරවල් වලින් ඒ ඓතිහාසික ප්‍රෞධත්වය ගිලිහී ගොස් විකාර පෙරහරක් වී, එදා අප ලද ශ්‍රද්ධාව වෙනුවට අද කළකිරීමක් සහ සමහරුන්ට කෝපයක් පවා දනවන්නක් බවට පත් වී තිබීමයි.

…කඨින පෙරහරට වී ඇති ඇබැද්දිය…

අදකාලයේ සුළුතරයක් කඨින පෙරහරවල් වල තත්ත්වය විදහාපාන ලිපියක් මීට වසර කිහිපයකට පෙර බ්ලොග් කතුවරයෙක් මෙලෙස සටහන් කර තිබුනි.

[[උදේ හතරහමාරට විතර පාරේ ලොකු ගෝසාවක් ඇහිල ඇහැරුනා. බැලින්නං කඨින පෙරහරක්. අපේ ගෙදර වටේට පන්සල් 4ක් තියෙන නිසා මොන පංසලේද කියන්න නම් දන්නෙ නෑ. මම මේ කියන්න යන්නෙ වෙනත් කතාවක්. පාරට බැහැල බැලුවෙ නැතත් මම ඇඳේ ඉඳගෙනම හොඳට පෙරහර අහගෙනයි හිටියෙ. මුලි හරියෙ නම් වෘත්තීය හේවිසිකරුවන්ගේ වාදනය සමග කඨින චීවරය ගෙන ගියා. මොකද මිනිස්සු සාදුකාර දුන්නා ඇහුන නිසා එහෙම වෙන්නැති. ඒ හොඳ හරිය. ඊට පස්සෙ තමයි ප්‍රේතයන්ගේ පෙරහර ගියේ. ආයෙ දෙකක් නෑ දහම් පාසලේ කොල්ලො ටික වෙන්න ඇති. ට්‍රිප් ගෙනියන ජාතියේ ඩ්‍රම් කීපයකට තලමින් නලා වගයක් පිඹිමින් කෑකෝ ගසමින් උන් ටික ගමන් කලේ බේබද්දන් රැලක් වගේ. උංගෙ සද්දෙ කොච්චරද කියනවනම් අහලගම් හතක මිනිස්සු ඇහැරෙන්න ඇති. මේ සද්දේ ඇහුනාම මට ඇතිවුනේ මහත් කෝපයක්. අපි උදේ පාන්දර ඇහැරිලා මෙවැනි විගඩම් වලට සවන් දිය යුතුද? අපේ නින්දට බාධා කරලා මෙවැනි තුච්ඡ ආතල් එකක් ගන්න උන් අවසර ලබා ගන්නේ ආගමේ නාමයෙන්ද? රතිඤ්ඤා පත්තු කරමින් ආ පිරිසක් අපේ ගේට්ටුව ඉස්සරහම රතිඤ්ඤාවක් පත්තු කලේ පෙරහර බලන්න අපේ ගෙදරින් කවුරුවත් එලියට නොබැස්ස නිසා වෙන්න ඇති. මට තේරුණ විදියට උන් රතිඤ්ඤා පත්තු කලේ එහෙම තැන්වල තමා. මොකද ඉඳහිට තමා රතිඤ්ඤා සද්දෙ ඇහුනේ. ඒහා ගෙදර සිටින මාස හය හතක් වන අතදරුවා ඇහැරී අඬන සද්දේ ඇහුනා ඉන්පස් පැයක් පමණ. ඒ ගෙදර අයට ඒක කොච්චර කරදරයක් වෙන්න ඇතිද? අතදරුවෙක් නින්දෙන් ඇහැරිලා, විශේෂයෙන්ම බයවෙලා, අඬන්න ගත්තාම නලවගන්න කොච්චර අමාරුද කියලා අමුතුවෙන් කියන්න ඕනෙ නෑ නේ. මට හැමදෙනාගෙන්ම අහන්න තියෙන්නේ එක ප්‍රශ්නයයි. ඒ තමයි මිනිස්සුන්ට වෛර සිතුවිලි ඇති කරමින්, තරහ ගස්සවමින්, සිදුකරන පෙරහරකින් පලක් තියේද? කියලයි. මේ කියන්නේ කඨින පෙරහර තියන්න එපා කියල නෙමෙයි. මම කියන්නේ පෙරහර තුල තියෙන වෙනත් විගඩම් නවත්වන්න කියලයි. ශබ්ද පූජා තියන්න අවශ්‍ය නෑ නේ මහපාරේ. අනික කෑකෝ ගහන එක ශබ්ද පූජාවක් නෙමෙයිනේ. කඨින පෙරහරට එකත් වෙලා කොල්ලො කුරුට්ටො ආතල් ගන්න එක නැවැත්තුවොත් පෙරහර සංවිධානය කරන අයටත් මීට වඩා පිං ලැබෙයි.]]

ඉහත ලිපියේ සඳහන් වන කඨින පෙරහර පැවැත්වීමේදී ඇසෙන හේවිසි – බෙර නාදය ශබ්ද පූජාවක් නොවන බවත් පැවසිය යුතුය. රාත්‍රී කාලයේදී පෙරහර ග්‍රාම සංචාරය කිරීමට හේතු වූයේ කොස්‌ කොළයේ හෝ අඹ කොළයේ නැට්‌ට පෙනෙන තරමට යන්තම් හිරු උදාවෙන අවස්ථාවේදී කඨින චීවරය පූජා කිරීමේ නිශ්චිත වේලාව ලෙස පුරාතනයේ පටන් ම සැලකුණ බැවින් ය. ඉතින් රාත්‍රි කාලයේ නිදා සිටින ගැමියන්ට කඨින පෙරහර එන බව සංඥා කිරීමටත්, රාත්‍රී කාලයේ මග දෙපස සිටින වන සතුන්ගෙන් බේරීම සඳහාත්, අතීත පෙරහර සම්ප්‍රදායට බුදුසසුන අනුගත කිරීමක් ලෙසත් කඨින පෙරහරට තූර්ය වාදන ආදිය අතීත සිංහලයෝ එක් කර තිබේ.

එහෙත් වර්තමානයේදී බොහෝ කඨින පෙරහරවල්, අලි කොටි වලස් ආදී වන මෘගයින්ගෙන් බාධා ඇති නොවන ප්‍රදේශ වල ගමන් ගන්නා බැවින් වන සතුන් පලවා හැරීමේ තරම් ඝෝෂාවක් නැගීම අවශ්‍ය නැත. සම්ප්‍රදායට ගරු කිරීමක් ලෙසත්, පෙරහර බලාපොරොත්තුවෙන් නිදි වර්ජිතව සිටින උවැසු උවැසියන්ට පමණක් දෙන සංඥාවක් ලෙසත්, නිදා සිටින්නන්ගේ නිදි නොකැඩෙන ලෙසට මද පම්ණින් තූර්ය වාදනයන් කිරීමට වග බලා ගත යුතුය. මෙවැනි ආකාරයට අන් අයට හිංසාවක් නොවන පරිදි ගමන් ගන්නා පෙරහරවල් ගණනාවක්ම මම දැක ඇත්තෙමි.

රතිඤ්ඤා පත්තු කරන්නේ ශබ්ද පූජාවක් යැයි සිතානම් ඒක මහා භයානක තත්ත්වයකි, මේ අනුවණ මිනිසුන්ගේ අනාගත පරම්පරාවන්, ශ්‍රී දළද වහන්සේ ඉදිරිපිටත් ශබ්ද පූජාවක් යැයි කියමින් රතිඤ්ඤා පත්තු කරාවි. එහෙත් රතිඤ්ඤා පත්තු කරන්නේ වස් දොස් යාමට හෝ යකුන් භූතයන් පළවා හැරීමට යැයි සිතනවානම්, මොවුන්ගේ අනාගතයෝ රතන සූත්‍රයෙන් වෙන දේ රතිඤ්ඤා කරල් කිහිපයකින් කරගැනීමට උත්සාහ ගනීවි. එනිසා මේ අනුවණයන්ට සත්‍යය පහදා දී වෙන්න යන විනාශයෙන් අපගේ සිංහල බෞද්ධ සංස්කෘතිය බේරාගත යුතුය.

…සමහර කඨින පෙරහර පරිහානියට පත් වුනේ ඇයි…

[1] බටහිර සංස්කෘතිය ගැන අවබෝධයකින් තොරව අනුකරණය කිරීම.
අධි පරිහෝජනවාදී ආර්ථිකයක බොහෝ විට හුදකලාවී දිවි ගෙවන බටහිරයන් ලද විවේකයෙන් තම ඒකාකාරී ‍රැකියා දිවිය වෙනස් කරගැනීම සඳහා රොක් සංගීත සංදර්ශන ආදි මහා ඝෝෂා සිදු කරමින් ජීවන රිද්මය යම් පමණකට වෙනස් කරගෙන විශාදය වැනි මානසික රෝගයන්ට ගොදුරු වීමෙන් වළකියි. අපට එවැනි අවශ්‍යතාවයක් නැතත්, බටහිරයින්ගේ සියල්ලම හිස් මුදුනෙන් පිළිගන්නා අපේ සමහරක් උදවිය එම ඝෝෂාකාරී ආකල්පය අපගේ සංස්කෘතික උත්සව වලටත් එක් කරගැනීම කණගා‍ටුවට කරුණකි.

[2] බොරු සෝබනය සහ මහන්තත්තකම.
ශ්‍රද්ධාව වෙනුවට බොරු සෝබනය පෙන්වමින් තමන්ගේ මහන්තත්තකම අන් අයට පෙන්වීම උදෙසාත් සමහරුන් බෞද්ධ සංස්කෘතික උත්සව යොදා ගනී. පන්සලේ පින් කමකට ආධාර කරන සමහරුන් තමන්ගේ නම කොයි වෙලාවේ ඇසේදෝයි ශබ්ද විකාශනය දෙසට කන් අයාගෙන සිටී. ඔය ආකාරයටම අල්ලපු පන්සලට වඩා හයියෙන් මේ පන්සලේ කඨින පෙරහැරේ කටයුතු කිරීමට සමහර අනුවණයන් උත්සාහ කිරීමෙන් පෙනෙන්නේ අද කාලයේ සමහරුන් පින් කම් මුවාවෙන් කරන්නේ කෙළෙස් ප්‍රහීණ කිරීමක් නොව කෙළෙස් වැඩීමක් බවයි.

[3] පෙරහර සංවිධායකයින්ට බුදු දහම යනු කුමක්දැයි අවබෝධයක් නැති කම.
සිංහල බෞද්ධ සංස්කෘතිය යනු බුදු දහම පවත්වාගෙන යාමට ඇති සමාජ පද්ධතියයි. ඒ සංස්කෘතිය සෑම විටම බුදු දහමේ ඉගැන්වීම් උල්ලංඝනය නොවන්නක් විය යුතුයි. ඒත් මූලික බුදු දහම ගැන කිසිදු අවබෝධයක් නොමැති පෙරහර සංවිධායකයින් වඩාත් ඉහලයැයි තමන් සිතාගෙන සිටින ආකාරයට පෙරහර කිරීමට යාම භයානක තත්ත්වයකි. මෙවන් කටයුතු සංවිධානය කිරීම සඳහා බුදු දහම තම ජීවිතයට එක් කරගත් මනා සංයමයකින් යුතු උපාසකයන්ව විතරක් සම්බන්ධ කරගැනීමට අපගේ පින්වත් ස්වාමීන් වහන්සේලා හැමවිටම උත්සාහ කළ යුතු බව සිහිපත් කරමි.

…සමහර කඨින පෙරහර වල පිරිහීමට අන්‍යාගමිකයින් උපහාස කිරීමට පෙර…

සිංහල බෞද්ධයා අඩවියේ ලිපි වලට, අප නොබලන කෝණයක සිට බලමින් සාධනීය කරුණු හෝ විවේචනාත්මක සහයෝගයන් එක් කරමින් ඒවා අලංකෘත කරන අන්‍යාගමික මිතුරන් කිහිප දෙනෙකුත් සිටී. මෙමගින් ඔවුන්ගේ සිත් රිදවීමට අපේක්ෂා නොකරමි. ඒත් මෙය ලියන්නේ බෞද්ධයින්ගේ සුළු සුළු අඩුපාඩු සෙවීමට දිවා රෑ වෙහෙසෙන උදවිය වෙතටයි, ලිපිය කියවාගෙන යද්දී ඔවුන් අමන්දානන්දයට පත් වී ඇත්නම් මේ ටිකත් දැනගන්න.

වසරකට වතාවක් පමණක් කඨින පෙරහරක් පවත්වද්දී , ඒ පෙරහරත් විනාඩි පහකටත් අඩු කාලයදී ගෙදර පහුකරගෙන යද්දී , වර්තමානයේ පිරිහී ඇති සුළුතරයක් පෙරහර වලින් වන ශබ්ද දුෂණයට වඩා දහස් වරක් ශබ්ද දුෂණයක් සමහර ආගම් අදහන්නන් දිනකට කිහිප වරක් ශබ්ද විකාශන යන්ත්‍ර මගින් සිදු කරන ඝෝෂාවන්ගෙන් සිදු වන බව සියල්ලෝම දනී. ඊට අමතරව නූගත් මිනිසුන්ට වෛද්‍ය ප්‍රතිකාර ලබා නොදී ඒවා දෙවියා ලවා සුව කිරීමට යන සමහර ආගම් මගින් මනුෂ්‍ය ඝාතනත් සිදු කරද්දී කඨින පෙරහරේ විනාඩි කිහිපයක ඝෝෂාව නොසැළකිය යුත්තක් සේ ද සිතිය හැකිය. තවත් ආගමකත්, ඒ ආගම මගින්ම අනුමත කරන ලද පෙරහර තිබෙන අතර ඒවායේ ඝෝෂාවනම් කියා නිම කළ නොහැකි තරම් දරුණු මෙන්ම ඒවායේ කොකු වල මස් කඩේ කුකුළන් මෙන් එල්ලී සිටින පුද්ගලයන්ව දැකීමම කුඩා දරුවන්ව ස්වපීඩාකාමුකත්වය මෙන්ම පරපීඩාකාමුකත්වය වෙත ඇද දමන්නක් බවත් කිව යුතුය. මේ සුළු කරුණු ටික පැවසුවේත් ඔය ආගම් වලට අපහාස කිරීමට නොව (ඒ ආගම් වල නම් සඳහන් කළේ නැත්තේ එනිසායි) යමෙක් ඕනෑම දෙයක් මනින්නේ සාපේක්ෂ වශයෙන් නිසා ඒ සාපේක්ෂ බව පෙන්වීමට මිණුම් දණ්ඩක්ද අවශ්‍ය බැවිනි.

කඨින පෙරහර යනු සිංහල බෞද්ධ සංස්කෘතික අංගයකි. පෙරහර පසුපස කෑ ගසමින් හූ තියමින් කුණුහරුප කියමින් දරුවන් යනවානම් ඒවා පන්සලේ වැරදි නොව දරුවන්ව දාඩාවතේ යන ලෙසට හදා දරුවන්ට හොඳ නරක ගැන අවබෝධයක් ලබා නොදුන් දෙමාපියන්ගේ වැරදි ය. එනිසා සමහර කඨින පෙරහර සිදුකිරීමේදී අන් අයට හිරිහැර සිදු වුවද ඒවා බුදු දහමේ අඩුපාඩු නොව බුදු දහම ගැන අවබෝධයක් නැති උදවියගේ අඩුපාඩුය. එබැවින් බෞද්ධ අපිට අවශ්‍ය වන්නේ අපගේ සුළු අඩුපාඩුව පවා හදා ගැනීමටයි. මෙය ඒ සඳහා සුළු උත්සාහයකි.

…කඨින පෙරහර ‍රැක ගැනීම සඳහා කළ යුත්තේ කුමක්ද?…

මූලික වශයෙන්ම කළ යුත්තේ බෞද්ධයින් වෙත නිවැරදි බුදු දහම ගෙන යාමයි. ඒ සඳහා හැකි තරම් ත්‍රිපිටකය සහ ත්‍රිපිටකය ගැන ලියවුන පිළිගත් පොත් පත් ජනතාව අතරට ගෙන යා යුතුය. මේ සඳහා ශාසන හිතකාමී ගිහි පින්වතුන්ගේ මැදිහත්වීම අත්‍යවශ්‍ය වේ. නිවසේ, අන්තර්ජාලයේ, පාසලේ, කාර්යාලයේ ආදී ලෙස සෑම තැනදීම හමු වන බෞද්ධයින්ට නිවැරදි බුදු දහම ගැන අවබෝධයක් ලබා දීමට අප සැවොම උත්සාහ ගත යුතුය.

මල් වට්ටියේ ඇති මල් ගණනට පින් සිදුවෙනවා යැයි කියන කතන්දර වල සිට අනේකවිධ මිසදි‍ටු ඉගැන්වීම් වලින් ඈත් වී බුදු දහම මෙයයි, බුදු දහම මත පදනම් වූ බෞද්ධ සංස්කෘතිය මෙයයි ආදී වශයෙන් බෞද්ධ ජීවන මාර්ගය ගැන වටහාදීමත් කළ යුතුය. ඒ සඳහා ගමේ විහාරස්ථාන මූලික කරගෙන තරුණ භික්ෂූන් වහන්සේලා පෙළ ගැසී සිටීම පැසසිය යුත්තකි.

බුදුසසුන ‍රැකෙන්නේ ධර්ම පොත් පත් පළ කිරීමෙන් හෝ ඒවා ආරක්ෂා කර ගැනීමෙන් හෝ අන්‍යාගමික අන්තවාදී තර්ජන වලින් බෞද්ධයින්ව ‍රැක ගැනීමෙන්”ම” නොව හැකි තාක් බුදු දහමට අනුව හැසිරීමෙනි.
read more

සිංහරාජ ලෝක උරුමය විනාශයි…! මහ වනය එළිකර යහපාලනයෙන් විදුලි බලාගාරයක් හදයි!


සිංහරාජ කලාපයේ කොස්ගුලන ගඟ හරස් කොට ඉදිකරමින් පවතින කුඩා ජලවිදුලි බලාගාරයක් නිසා ලෝක උරුම සිංහරාජ වනාන්තරයට බරපතල හානියක් සිදුවී ඇතැයි ‘වැසි වනාන්තර සුරකින්නෝ‘ සංවිධානය කියයි. එම සංවිධානය නිකුත් කළ නිවේදනය පහතින් දැක්වෙයි.

ලෝක උරුම සිංහරාජය වනසා ජලවිදුලි බලාගාරයක් ඉදිකරයි

සිංහරාජ ප්‍රේරක කලාපය තුළ කොස්ගුලන ගඟ හරස් කොට ඉදිකරමින් පවතින කුඩා ජලවිදුලි බලාගාරයක් නිසා ලෝක උරුම සිංහරාජ වනාන්තරයට බරපතල හානියක් සිදුවී ඇත. මෙම ඉදිකිරීම් සිදුකරන ප්‍රදේශය සිංහරාජ කුඩව ප්‍රධාන පිවිසුම් මඟ සිට කිලෝමීටර් 4ක් පමණ නැගෙනහිර දෙසින් සිංහරාජ මායිමට යාබද ප්‍රේරක කලාපය තුළ පිහිටා ඇති අතර කොස්ගුලන ගඟ හරස් කොට ඉදිකරමින් පවතින බැම්ම හා ගඟට යාබද ප්‍රේරක කලාපයේ වැසිවනාන්තරය බැකො යන්ත්‍ර යොදා එළිපෙහෙළි කිරීම නිසා මෙම සංවේදී පරිසර පද්ධතිය දිනෙන් දින විනාශ වී යමින් පවතී. ඊට අමතරව මෙම ඉදිකිරීම් වලට ගෙනැවිත් ඇති බැකෝ හා අනෙකුත් විශාල ට්‍රක් රථ ධාවනය සඳහා කුඩව සහ කොස්ගුලන අතර සිංහරාජ ප්‍රේරක කලාපයට අයත් කුඩා ගුරුපාරක් භාවිතා කර තිබේ. මේ නිසා ගුරුපාරට යාබද උතුරු ප්‍රදේශයේ රජුවන්කන්ද වැසිවනාන්තරයෙන් ඇරඹෙන දියපාර ගණනාවකට බරපතල හානි සිදුවී ඇති අතර සිංහරාජයට යාබද එහි ප්‍රෙරක කලාපයේ පිහිටි මෙම වැසිවනාන්තරය සිංහරාජයෙන් සහමුලින් වෙන්වී යාමේ දැඩි අවදානමකට පත්වෙමින් පවතී.

යුනෙස්කෝ ලෝක උරුම වැසිවනාන්තරයක් වන සිංහරාජයේ ප්‍රධාන පිවිසුම් ස්ථානයට සමීපව කෙරෙන මෙම වන විනාශය පිළිබඳව වන සංරක්ෂණ දෙපාර්තමේන්තුව කිසිදු පියවරක් නොගැනීම ඉමහත් ගැටලුවකි. මධ්‍යම පරිසර අධිකාරිය මෙම ඉදිකිරීම සම්බන්ධයෙන් පරිසර බලපෑම් ඇගයීම් වාර්තාවක් හා මහජන අදහස් විමසීමක් කර නැත.ලෝක උරුම වැසිවනාන්තරයක් තුළ පරිසර නීති අමු අමුවේ උල්ලංඝනය කර මෙවැනි විනාශකාරී ඉදිකිරීම් සිදුකිරීමට ඉඩ දීම අදාළ බලධාරීන්ගේ අසමත්කම මනාව පැහැදිලි කරයි. මෙම විනාශකාරී ක්‍රියාවලියට ඉඩ දීම නිසා සිංහරාජය යුනෙස්කෝ ලෝක උරුම ලැයිස්තුවෙන් ඉවත් කිරීමටද බොහෝ සෙයින් ඉඩ තිබේ.

මෙම කුඩා ජලවිදුලි බලාගාර වලින් ලැබෙන ඉතා සුළු මෙගාවොට් දෙකට අඩු විදුලිය වෙනුවෙන් ශ්‍රීලංකාවේ රැකගතයුතු ජල පෝෂක ප්‍රදේශවල පිහිටි දිය ඇලි හා ගංගා විනාශ කිරීම ජාතික අපරාධයකි.







read more

නාවික හමුදා කඳවුරකට එක්සත් ජාතීන් කඩා පනී, රටේ ස්වෛරීත්වය අවසන්!


වෙනත් රටවල ආරක්ෂක මූලස්ථාන වලට තම රටේ පොලිසියටවත් අනවසරයෙන් ඇතුල් වෙන්න ඉඩ ලැබෙන්නේ නෑ.

නමුත් අපේ රටේ නාවික හමුදා මූලස්ථානයට එක්සත් ජාතීන්ගේ නිලධාරීන් කඩා පනිනවා. යුධ අපරාධ අධිකරණය සඳහා බොරු සාක්ෂි එකතු කරන්නේ මේ විදිහටයි.

පසුගිය මානුෂික මෙහෙයුමේ යෙදී සිටි රණවිරුවනි, ඔබගේ සහ ඔබගේ හිතවතුන්ගේ ජීවිතාරක්ෂාව වෙනුවෙන් මේ ආණ්ඩුව තවදුරටත් පෙනී ඉන්නේ නෑ කියල දැන් තේරෙනවා නේද?
read more